大魚食細魚

尋晚同一班朋友去食日本嘢，當大家一路食魚生嘅時候，朋友C就講：

「你哋知喇，我有養開魚嘛。前幾晚放工番到屋企，我行埋個魚缸度一睇。嘩！好嘢，生咗好多魚仔呀，咁我餵完魚咪去沖涼囉。點知我沖完涼出番嚟一睇，哎呀！好慘呀！D大魚喺度食緊D魚仔呀，仲食到七七八八添呀。不過，有幾條比較醒目，匿埋咗係D石仔與石仔之間，由於大魚體積太大，所以食唔到呢幾條醒目魚，我咪即刻攞個網嚟展開救b行動囉。」

朋友B一路將塊三文魚刺身放入口，一路話：「當自己生出嚟嘅BB係點心咁食，諗起都覺得慘呀。」

朋友A就話：「物競天擇，適者生存吖嘛。你哋試吓喺另一個角度去諗喇。可能D大魚知道而家呢個生態環境嘅食物只係夠20條魚維持生命，咁原本魚缸已經有15條大魚喇，如果再加多20條細魚，將來一定會唔夠食、餓死魚喎。咁不如食緊幾條冇咁健康，同埋冇咁醒目嘅細魚先，一來又填飽咗而家個肚；二來又解決咗將來嘅糧食危機，一舉兩得呀。你哋有冇聽過《楢山節考》呢部日本小說呀，係講………」

朋友D：「阿A，你唔好咁多廢話講，繼續食嘢喇。阿C，唔駛咁傷心，等我夾番舊靚嘅油甘魚腩畀你食先。」

《楢山節考》 (轉貼自維基百科)

日本小說，深澤七郎著，敘述日本古代信州寒村的山林內棄老傳說，鄉下人民生活非常窮苦，男人為了生存每天都很辛苦的工作，女嬰一出生就賣給有錢人家，換來的錢來貼補用，男嬰則棄道旁。在鄉下有一個不成文的規定，老人家到了70歲的年紀，就要由家人背到深山野嶺等死，年已69歲的阿玲婆為了讓孫子多一口飯吃，忍痛拿起石頭敲掉自己的牙齒，讓自己看起來蒼老一些。這看似非常荒謬不合人情，卻深刻地描繪出嚴苛的生存環境之下，自然界的殘酷生存法則。作者深澤七郎做了一首「楢山節」的曲子貫穿整個故事，因此名為「楢山節考」。楢山節考至今曾兩度拍攝成電影，1958年版由木下惠介導演，1983年版由今村昌平導演。在1983年版中、女主角坂本スミ子為了求逼真，竟把自己的門牙削斷；1983年由今村昌平導演，獲得坎城影展「金棕櫚獎」。