2012年11月20日星期二

飛虎(2/2) - 兩個好鍾意玩玩具鎗嘅男孩



頑童日記首部曲 - 飛虎 - 兩個好鍾意玩玩具鎗嘅男孩()

本故事純屬虛構,如有雷同,實屬巧合。故事情節或會觸犯刑事罪行,各位切勿模仿。

羅拔臣神氣地說:「Mission accomplished. Let's get out of here.

高達仔一臉認真,面向羅拔臣,提起右手放喺額頭右側作一個敬禮狀。之後,大家哈哈大笑,從容咁向另一條樓梯落樓。當佢哋兩人行到走廊盡頭,準備落樓梯嘅時候,高達仔下意識咁回望頭先嘅露台,諗住回味一番之際。



Oh!!!!!!SHIT!!!!!! ambush~~~」,高達仔驚叫。弊傢伙!原來黑超男追咗上嚟5樓呀。

羅拔臣本能地轉身,面向後方:「Suppressing Fire~~Retreat!!! ~~Retreat!!!

砰砰........................哎呀....................X街仔.........仲想走...........

全靠羅拔臣嘅機警,識得利用火力壓制,阻慢咗黑超男,如果唔係,佢哋又點可以順利地逃走到地下吖。佢哋到咗地吓之後,即時收拾好行裝後,若無其事咁離開喇。高達仔自以為是咁提議:「我哋不如入去超級市場行一陣先,等風聲冇咁緊先出番嚟喇。」羅拔臣點頭同意。佢哋兩個入到去超市,行咗15分鐘,仲買咗D薯片呀、汽水呀用嚟慶功添,買完嘢好開心咁一袋二袋抽住出超級市場。

點知,佢哋一出門口,就出事了...............

黑超男左臂鉗住高達仔條頸、右手扯住羅拔臣個背囊,嚴聲厲詞咁話:「細路,仲捉你哋唔到!」跟住以梁朝偉喺無間道裡面嘅語氣話:「我係警察!不過今日Day off!」

高達仔心諗:「頂!唔怪之得咁都衰係你手上喇。」羅拔臣亦諗:「真係天意呀。」之後兩個又互望一眼,默契依舊。

高達仔同埋羅拔臣知道既然繼到正一正,唯有死狗道歉兼認錯喇。黑超男叫咗其中一個圍觀嘅人打999。說時遲,那時快,不出5分鐘,一架EU車嚟到喇,可見香港警察辦事效率相當高。

兩個藍帽子一左一右夾住高達仔同埋羅拔臣,而黑超男就拉咗一個軍裝、一個便裝埋一邊密密傾。佢哋三個人傾完一大輪之後,個黑超男就自己一個走咗去喇,軍裝嗰個就上番車,都應該係開定車門等佢哋兩個上車喇。而便裝嗰個就行過去高達仔同埋羅拔臣度,係咁鬧,係咁鬧,係咁鬧,當中當然係加插咗好多助言詞,鬧咗足足10分鐘呀。

不過,最令高達仔、羅拔臣驚訝嘅係呢個便裝嘅最後一句:「呂警司話,見你哋咁細個,唔想令你哋前途盡毁,所以今次唔作追究,以後要生性做人呀,唔X好再玩埋D咁嘅嘢呀。」

隨住警車嘅遠去,高達仔同埋羅拔臣互望一眼,齊話:「原來係呂SIR,唉。」兩個 深深咁呼咗一口氣後,各自歸家。







18相送 - SHINE
曲︰歐陽俊業
詞︰黃偉文

陪我去過石澳 陪我砌過電腦
終於走到路口 光榮地過度
感激你 全年陪住我遊玩到今早

讓我 歡送18 整個18 寫進日記簿
即使以後很平凡 這一節亦美好
宇宙還未上色 戀愛還未著跡
來年你共我或會長得更高
然而這段歲月青春不老

陪我對抗父母 陪我暗裡練舞
今天驚覺球衣 忽然大半號
該走了 願我能共你臨別抱一抱

讓我 歡送18 整個18 寫進日記簿
即使以後很平凡 這一節亦美好
宇宙還未上色 戀愛還未著跡
來年你共我或會長得更高
然而這段歲月青春不老
     
有未曾遇上的 都有習慣了的
來年你共我或者長得太高
毋忘細望這絕版的海報 





3 則留言: