2012年11月26日星期一

I‧I(1/2) - 四個男孩在郊野公園的一夜



頑童日記二部曲 - II - 四個男孩在郊野公園的一夜(上)

本故事純屬虛構,如有雷同,實屬巧合。故事情節或會觸犯刑事罪行,各位切勿模仿。

凌晨一點幾,喺郊野公園燒烤場邊嘅馬路度。

3…… 2…… 1…… 動L! ! !」大佬大叫。

一架私家車急速煞制,兩秒後從新開車,車內坐咗一男一女,兩個都冇出聲。

大約5分鐘後,私家車駛至油站停低咗,男嘅先開口。「老婆,你個肚冇事嘛?頭先有冇擢親呀?」

個女嘅猶有餘悸咁話:「冇事呀老公,你頭先係咪見到D嘢呀?佢哋係咪喺度搵替身投胎呀?我好驚呀,會唔會投胎變咗為我哋個bb呀?」

那邊廂,4個男孩哈哈大笑。原來,頭先佢哋喺度玩緊一個叫做「彈弓人」嘅惡作劇呀。

至於咩叫「彈弓人」,我簡單講解吓:

呢樣嘢係高爾夫諗出嚟嘅。首先,喺馬路邊搵個有半個人咁深嘅去水道口,之後爬落去,踎低唔好郁。當聽到有車聲時,大叫「動L,同時用盡力彈起身。」

佢哋已經喺呢條馬路度「彈」咗好幾架車喇。架架車嘅反應都差唔多,冇一個司機夠膽落車睇吓發生咩事。因為,而家正值係農曆七月。

諾基亞講:「玩咗咁耐彈弓人,開始悶喇,不如搵D新嘢玩喇。」

袋鼠接口話:「不如玩block吖。」大佬問:「乜q嘢嚟呀?」袋鼠笑笑口咁講:「我哋搵D石頭,放喺馬路中間,咁D車經過嘅時候咪會擢吓擢吓囉,如果條軚殘D,擢兩吓之後,軚都爆埋添呀,你話過唔過癮先?」

袋鼠講完之後,大家好快咁就收集咗大大細細唔同嘅石頭喇,大嘅有拳頭咁大;細嘅都有乒乓波咁嘅size嘅。佢哋好熟手咁將D石頭鋪晒去條馬路度,跟住就踎喺路邊嘅草叢度等睇好戲喇。

等咗一陣,有架貨van經過喎。佢哋全神貫注,4對眼望住有咩會發生喇。

「轟!隆!轟!隆!隆!隆!」

架貨van 擢咗幾下之後就駛走咗喇,實際情況同袋鼠所講嘅,有好大落差呀。

諾基亞先開口:「妖!你個袋鼠吖,講就天下無敵,你睇,完全冇料到呀。」

袋鼠唔服氣咁答:「唔洗咁心急,睇多幾架車先喇。」

佢哋於是繼續等、繼續睇喇。睇咗半個鐘,見咗幾架私家車,架架都係同第一架貨van嘅反應一樣。

諾基亞同大佬都埋怨:「又話幾好玩,又話睇多幾架先,而家乜都冇。」

呢個時候,高爾夫笑笑口咁話:「不如我哋試吓將「彈弓人」crossover「block」吖,我諗會幾有趣。」

「動L!」「轟!隆!轟!隆!隆!隆!轟!隆!隆!隆!」

「嘩,好過癮呀,十足睇3D電影咁呀,先有立體彈弓人,後有座位震動,係差在冇聲啫。下一輪到我動L。」諾基亞好興奮咁講。 


待續...


 

2 則留言: