2012年12月28日星期五

眼睛系列(7/8) - 如果的事 - Eugene篇(上)



Eunice一邊走回沙灘一邊回答說:「係呀,有幾張係人哋畀我嘅。而其餘大部份相係我仿照佢嘅style影嘅。嘩!你又知嘅,咁叻嘅。Tony,唔通你係Danny嘅朋友?」

Tony用很嚴肅的語氣回答說:「都可以咁講喇。Eunice,其實我哋並唔係咩嘢電影公司嘅人。我老細係Danny嘅朋友,但係大家幾年前失去聯絡,我老細搵晒識Danny嘅人,都唔知佢去咗邊。我老細真係好想同Danny見面,你可以幫忙聯絡Danny嗎?」

Eunice面有難色地說:「Danny佢已經喺兩年前嘅今日離開咗喇。佢臨走之前,將佢最愛嘅相機送咗畀我,仲叫我為佢寫一個故事。」

電話的另一端突然傳來一把激動的女聲:「你意思係話,你哋網頁上嘅故事,係Danny嘅真人真事?Danny佢真係喺兩年前自殺死咗?!」

Eunice啜泣地答:「係……

女子強忍哭聲說:「我想同你見面傾吓計,你下星期嘅下午有時間嗎?仲有,可以帶埋Danny嘅相機出嚟嗎?」

一星期後,她們相約在酒店Coffee Shop見面。Eunice對這次的約會十分重視,因此她足足早了一小時到達。她忐忑不安地坐著,腦海內猜想著這女子是誰,手卻無意識地摸著相機。突然之間,一陣濃烈的香水味從後撲鼻而來。Eunice的視線順勢地向後望,一個架著太陽眼鏡的妙齡女子出現在她眼前,慢慢的經過她身邊並坐在她旁邊的梳化上。

Eunice帶點驚訝地說:「你咪係Danny以前嘅女朋友Mandy!」

Mandy脫下太陽眼鏡後,目定口呆的望著她,連珠砲發的說:「Eunice你點解會知嘅,係Danny同你講?你係點識佢?識咗幾耐.…..

Eunice細說兩年多前在船上和碼頭外發生的事,說著說著,哭了起來。Mandy傾耳聆聽,聽著聽著,眼淚點點地滴在短裙上。說罷以後,兩人擁抱起來,以身驅互相安慰對方。

Mandy哭的原因,是錯過了自己所愛的人。她怪責自己當初為何不多點關心Danny,若當時給他多些支持、鼓勵,說不定他的病情會好轉,不用弄至今天如斯的田地。另一邊廂,她單純的以為,Eunice是因為內疚及自責,才會哭起來。她怎麼也想不到,Eunice也愛上了他。

Mandy先說:「呢部相機係我最後一份送畀Danny嘅禮物,但既然係Danny親手送畀你嘅,咁你就留住佢喇。但係你千祈唔好攞去賣呀,你如果要賣,就一定要賣畀我,我願意高價購回它。」

Eunice答:「你放心喇,我會好好珍惜佢嘅,佢帶畀我好多………

說完關於Danny的事情後,她們互相介紹,彼此交換了近況。

Mandy現在除了作為硬照、廣告的模特兒外,她還不時參演電影、電視劇,雖然不再是飾演女主角,但戲份都不算少,用半紅不黑來形容現在的她,實在最貼切不過了。剛20出頭的Eunice於幾個月前完成副學士課程後,一直留在家中,很少參與其他同學的聚會,現在她最大的娛樂便是帶著Danny的相機到處攝影。這幾個月來,她應徵了多份工作,面試的人員不是叫她回家等通知,便是即時的拒絕她。

Mandy聽過她的情況以後,以大姐姐的口吻對她說:「Eunice,聽聞我公司個IT部門而家等人用,不如我介紹你入去做喇,你一路做住先,一路搵你自己嘅目標喇。一於咁話喇,OK?」

Eunice感動地答:「Mandy姐,你對我真係好呀,除咗我爸媽,從來冇人會幫我諗定我下一步應該做乜嘢嘅,我就聽晒你話喇。」

其實Mandy根本不清楚公司IT部門的情況,不過以她現在和公司老闆的關係,安排開設一個IT助理的職位還是綽綽有餘的。她們一見如故,像失散多年的姐妹重逢一樣,話題滔滔不絕。但奈何Mandy當晚有工作在身,談了兩個小時後她便要離開了,最後,她們交換了電話號碼,相約遲些再見面。


待續...


 

6 則留言:

  1. 莫非相機的照片內有玄機?

    回覆刪除
    回覆
    1. 相機的照片冇玄機喎,呢D照片只係咁啱將eunice同埋mandy兩個人拉埋一齊啫。

      刪除
  2. 我竟然miss 你的新作!我的blog tool 無update 到,激死!晏啲睇。
    祝你生活軽鬆,思如泉湧,繼續創作,

    回覆刪除
    回覆
    1. 大結局同後記都出埋,你太遲喇 :)

      刪除
    2. 電腦的錯,update得太遲

      刪除
    3. 今日17:00又有新作發表,記得留意喇:)

      刪除