2013年1月11日星期五

國境之南(4/5) - 天很寬在我獨自唱歌的夜晚



回到香港一星期過後,阿莎再次相約三位好姊妹出來吃晚飯,順便分發手信。

阿莎先說:「Sandy,你講得好啱呀,去完散心成個人開心晒,我將阿凱忘記咗喇。」

Sandy:「都話咗喇,點呀,墾丁係咪好靚呢?」

Koey接續說:「墾丁靚唔靚唔重要,咁有冇豔遇先?」

阿莎帶著埋怨的口氣說:「Ada你都唔準嘅,又話點點點喎,我去咗三日,遇到兩個叫做ok嘅,似范逸臣嗰個就有老婆嘅;電單車男就見唔到樣嘅。唉,即係乜都冇喇。」

講完之後,阿莎就將她在墾丁過的三日兩夜行程詳細跟大家分享了。她們聽完以後,Ada最先回應。

Ada自信地說:「我總覺得你同電單車男有手尾嘅,信我喇。」

Sandy靈機一觸說:「係喎,你記唔記得間車店叫咩名呀?你試吓上網搵唔搵到間嘢,佢哋好興整個租車website出嚟,我上次同男朋友去墾丁,之前都係上網揀定D車先。」

阿莎想了很久後說:「我諗吓先,吖,記得,好似叫做………

Koey取出iphone後說:「好喇,坐言起行喇,我即刻幫你search。」

Koey拿著電話按了一會後便找到那家車店的website了,入面有一幅老闆騎著電動車的相片,她將電話遞給阿莎,阿莎看了一眼後,便認得這老闆了。於是Koey再取回電話,查看其他的相片。

Koey突然高叫:「wow!你哋睇,我搵到老闆同個仔嘅合照呀!」她故意只給AdaSandy看,她們看完後,都齊聲再wow一聲。

Koey一邊將電話遞給阿莎一邊說:「Ada真係講得冇錯,你真係有豔遇喎,不過把握唔到啫,你自己睇吓,老闆個仔,成個中孝介咁嘅樣呀。係喎,佢車你出嚟酒店時,你攬住佢條腰時有冇抽吓佢水先,你摸唔摸到佢有冇咩特別反應呀?」

說完之後,四個女子又哈哈大笑了。當天晚飯後,阿莎回到家中,再次去到車店的website,望著車店中孝介的樣子,回味當晚10分鐘的電單車之旅。她思前想後,最後決定發個email到車店那邊,再次多謝他載自己一程。

兩日後,車店中孝介真的回覆她。原來他的真名叫阿峰,他亦很客氣地多謝阿莎的蛋糕,更說如果下次阿莎再來墾丁,他務必抽空作導遊,帶她四處遊玩云云。就這樣,阿莎與阿峰便開始透過email談起來,來回幾次email之後,他們便交換了msn。雖然兩人的生活背景不同,但不知怎地,他們越聊越投契。

不經不覺間,一年轉眼過去……

阿莎決定再次踏足墾丁,不過今次不是為了散心而去,她是為了見阿峰而去的。而阿峰方面,他亦對阿莎有好感,因此自動請纓承諾阿莎,會陪足她全個旅程。

阿莎跟上一次一樣,到旅行社買了三日兩夜的自遊行package,一樣入住夏都沙灘酒店。之後透過msn通知阿峰,到達的日期及時間。阿峰原本計劃駕私家車到小港機場接她的,但阿莎不想他太辛苦,來回駕駛5小時。最後,他們約定了在酒店門外等。兩人都十分期待見到對方,但又害怕見面時相對無言,心情非常矛盾。

相見的時刻終於到了。

阿莎一踏出接駁車的車廂,便見到阿峰站遠處一邊揮手,一邉跑過來。

阿峰先開口說:「阿莎你好,和你談了差不多一年,現在我們總算正式見面了。來,我幫你拿吧。你先去check-in,之後我帶你去逛街吃東西。」

阿莎將背包交給他後,便一起步入酒店check-in了。他們到房間整頓好後,便漫步到墾丁大街閒逛,沿途兩個有傾有講,一點也不陌生。

吃完晚飯後,阿峰邊走往取電單車邊說:「我為你準備了一些特別的活動啊,上車吧。」

阿莎依舊坐上電單車的後座,雙手緊緊抱著阿峰的腰。她忽然想起Koey抽吓佢水先的說話,忍不住暗笑起來。由於天色昏暗加上街燈不足,她根本看不清楚自己身在何處。不過,她對阿峰絕對信任。大約20分鐘後,終於到了,他們來到一個廣闊的平地。

阿峰一邊打開電單車的儲物廂,一邊跟阿莎說:「你知道我們來到這個荒山野嶺幹什麼?你猜不到唷,我帶你來這裡出火,哈……

阿莎呆了一會說:「什麼?火?你們台灣人真的太……

阿峰一臉疑惑的答:「你不明白嗎?玩煙火啊,在香港沒得玩啦。」

阿莎現在才恍然大悟,哈哈的大笑起來,阿峰見她笑得這麼高興,自己也大笑起來,這個荒山野嶺頓時被他們的笑聲吵得熱鬧起來。他們愉快地玩了半個小時,煙火燒完了,他們也滿頭大汗了。阿峰從車廂中取出一枝飲料,他們你一口、我一口的喝著。

休息完畢以後,阿峰載她回酒店休息。到達酒店門外,他叮囑阿莎說:「你今天晚上早點休息,明天的活動很多啊,goodnight。」

阿莎溫柔的回答他:「謝謝你,我今天很開心,晚安」。說罷便輕吻他的面頰,接著轉身走進酒店。

阿峰被她突如其來的一吻驚呆了,傻傻的站在門外目送她離去,當阿莎完全消失在自己的視線後他才離開。

他抬頭望著廣濶的夜空,若有所思的哼唱起來……

海很藍   星光燦爛   我仍空著我的臂彎
天很寬   在我獨自唱歌的夜晚
請原諒我的愛   訴說的…………

待續...

6 則留言:

  1. 巧浪漫喎,一年之後,終於見面,下集一定好刺激~~~~

    回覆刪除
    回覆
    1. 下集的確好刺激,畀你估到咗添 :)

      因為......佢哋兩個會再次出火呀 :p

      係喎,話時話,你有冇睇過「海角七號」呀?

      刪除
  2.  出火?應該係玩出火。


    我有睇呀,那是台片的抬頭。似乎対你有某些意義喎。

    回覆刪除
    回覆
    1. 正確D嚟講,佢哋係再次玩「出火」時擦出愛火 :)

      呢套戲對我嚟講冇乜特別意義,不過主角阿嘉當年失意於台北,最後喺台南尋回夢想,我好感動啫。另外,尾段佢喺台上唱嘅嗰首「國境之南」好正,好有感染力,仲成為我其中一首成日聽嘅歌添。

      刪除
  3. 世純:

    慘!我睇到你這句『係喎,佢車你出嚟酒店時,你攬住佢條腰時有冇抽吓佢水先,你摸唔摸到佢有冇咩特別反應呀?』,竟然讀了『係喎,佢車你出嚟酒店時,你攬住佢條「鞭」時有冇抽吓佢水先,你摸唔摸到佢有冇咩特別反應呀?』

    我即係諗,嘩!乜世純突然咁前衛呀!

    喂!世純,你有冇意圖誤導眾生架?嘻嘻!

    回覆刪除
    回覆
    1. 哈哈哈~~~

      咁你都諗到,好嘢好嘢 :D :D :D

      下集小弟會再前衛多D添呀,不過都係點到即止嗰隻喇,有時劇情性需要,冇計喇 :p

      刪除