Simon應聲倒地，臥在雪地上痛苦呻吟著。Martin一邊上彈，一邊走到他面前，再向他的腦袋多送兩槍，之後便消失於漆黑之中。
在接待處的4人，聽到4下槍聲後，心情十分矛盾。因為他們不能肯定Simon是否取了槍之後，再遇上Martin，並且成功槍殺了他。於是他們不敢鬆懈，繼續默默的原地守候，期待著Simon凱旋歸來。大約等了半個小時，他們開始了解實際的狀況。
Amy與Lily齊聲說：「你講嚟聽吓。」
Sean認真地說：「我而家衝出去攞車，之後駛到嚟正門。咁你哋一見到我，就即刻衝上車，跟住我哋即刻離開呢度。」
Lily憂心地答：「出面又大風又大雪，就算走得甩，我哋都會凍死喺出面喇。」
Amy肯定的回應：「Lily你放心喇，我哋4個人，大家可以用身體互相取暖，一定可以捱到天光嘅。」
決定以後，Sean將藏於自己褲袋的彈簧刀交給Amy自衛，自己則拿著左輪手槍從正門出去。他小心翼翼的走，在經過空地的時候，他看到一條燒焦的屍體和倒在血泊上的Simon，不禁毛骨悚然。最後，他成功到自己的私家車旁，正當取出車匙打算開車門的時候，他發現車胎己經被人刺穿。
於是，他再看看在空地上其餘的3架車，它們的車胎亦已被刺穿。正當他絕望的時候，他記起昨午Simon架駕著輕型貨車到外邊購買物資的情景，於是他更向車房進發了。
走到車房外，他小心地檢查四周，確認安全後才入內。進入後，Sean看到了輕型貨車，而且四個車胎完好無缺，接著他便登上了駕駛座。
成功在望的他，先將手槍放在車頭，自言自語的說：「條友真係百物一疏喇，如果佢整穿埋呢幾條車胎我哋就仆街喇。好，而家拆開電線，撻著個Engine就掂晒喇，哈哈。」
下集我諗Sean都係凶多吉少...
回覆刪除你估得完全正確。
刪除不過，佢都有少少抵死嘅，因為佢賣友求榮呀。 :o
會唔會未撻着車，Sean就俾Martin枝搶指住.
回覆刪除係呀，劇情都被大家估中喇，車都未開到，Sean已經畀Martin捉住咗，哈哈。 :p
刪除世純：
回覆刪除馬田條友咁變態，佢唔會咁失策，留番一架車，無吉爆車呔，分明就喺引Sean入車房．
佛爺：
刪除你真係知道我嘅心意，Martin嚟招「守株待兔」，坐定定係輕型貨車裡面等緊下一個受害者喇。 :)
世純：
刪除這樣的情節佈局就很合理．我見過一些心理變態的人，諗嘢害人的招數，非常周密．
佛爺：
刪除到目前為止，劇情都算合理同埋解得通嘅。但係個結局(第19集)可能會有少少玩大咗。
此終我未學習過呢一門學問，唔肯定係咪有可能「件事係咁樣發生」，我只係傾向相信同埋認為「件事會咁樣發生」。
我寫呢個故事嘅時候，只係靠上網搜集到嘅資料，當時冇亦都搵唔到「專家」去了解同埋求證呀。
世純：
刪除可以問下佛爺這位專家嘛，嘻嘻！
Jessica：
刪除果然明白我想表達D乜喎，我諗你應該估到少少個結局係點喇，請暫時保守秘密先，出咗結局我哋再慢慢傾。 :)
我寫呢個故事嘅時候，仲未知道佛爺係對呢一方面有所研究嘛，呢個故事係寫於12年尾。 ：o
世純：
刪除我要看了結局，才可思考一下，如今仍然言之過早．
佛爺：
刪除你太謙喇，我覺得你會識嘅。因為從言談之中，我估你應該對呢一門學問有認識及研究嘅，期待幾日後你睇完結局畀D意見。 :)
我都估無咁易走得甩喎，應該都難逃一死，故事中的壯男要安排盡快死哂，巧京!
回覆刪除觀迎回歸喎，旅途愉快嘛？
刪除壯男死晒，剩番D女人，留番畀Martin慢慢嘆。 :p
旅程不錯，遅些分享
刪除好吖，有冇艷遇先？ :p
刪除