2013年9月2日星期一

C9劇場 - 十個電視劇的愛情橋段(1/5)



故事靈感來自blog友卡臣的一篇blog文,發表於2013年1月25日,名為「電視劇的愛情橋段」,他於此文中列出了十個電視劇的經典愛情橋段。參考了他的文章及跟他留言對話後,小弟計劃將這十個經典橋段串聯在一起,寫成一個簡單又無聊的愛情故事,情節有點誇張及不太現實,請大家見諒。

我建議大家先閱讀卡臣的「電視劇的愛情橋段」後才回來看這個故事,這樣會更有趣味。在此,謝謝卡臣為小弟提供靈感之餘,還不經意地為這個故事改了一個很貼切名稱 -「C9劇場」。



~ 故事正式開始 ~

班主任不滿的說:「Terrence,你上親堂唔係睇公仔書就係瞓覺,而家調你坐上嚟第一行。另外,Vivian,以後佢就坐你隔離喇,你睇住佢,唔好畀佢上堂時做其他嘢呀。」

Vivian 與Terrence無奈的異口同聲說:「哦,知道。」

Vivian 及Terrence皆生於富裕的家庭,現於港島區某一名校就讀中五。Terrence性格反叛、好勝,不愛讀書,只愛打籃球。他完全不著緊自己的成績,因為他的父親有樓有車又有錢,因此他自懂事以來便立志遊戲人生,再等著承繼遺產。至於Vivian方面,她性格溫文,是班中的模範生。由於她的父親於幾年前生意失敗,差點破產收場,因此她更加倍努力學習,希望將來賺多些錢,幫助父親東山再起。


自從Terrence被調往坐在第一行以後,他慢慢受到Vivian的影響,開始認真上課學習,他們兩人亦由互不理采的同學提升為有說有笑的朋友。

在某星期五下午,最後一節的生物課堂上......

生物科老師開口說:「各位同學,你哋而家攞本學生手冊出嚟,抄低呢段戶外考察嘅通告,今晚交畀家長簽名。記得呀,如果邊個冇簽嘅話,到時就冇得出去做實習。」

聽畢以後,同學們便紛紛取出手冊抄下黑板上的通告,Vivian 與Terrence當然也不例外。他們兩人抄寫完後,下課的鐘聲響了,各人便鳥獸散的各自離開課室。Terrence草率收拾書本後,與一眾波友走到更衣室,換上運動衫後便在籃球架下拼命;Vivian則與幾個女同學慢條斯理收起課本,邊談笑的走到圖書館溫習。

當天黃昏,兩人各自回到家中吃晚飯。他們將書本及手冊放在客廳的梳化上,便走到浴室洗澡,完全沒有察覺到攞錯了對方的手冊回家。(第八位:攞錯或對調東西)

Vivian洗澡之後,便坐在梳化上一邊看電視,一邊等待吃晚飯。飯後,Vivian提醒母親檢查並簽署手冊上的通告後,便走進房間溫習。另一邊廂的Terrence,在洗澡後便走回房間內打機,直至母親三催四請下才到客廳吃晚飯,狼吞虎嚥後又再回到房內打機。

過了不久,Vivian的母親在自己的客廳內驚叫起來。她聽到以後,迅速放下書本並跑出來看過究竟,她看到父母拿著手冊認真地研究。

Vivian好奇地說:「媽咪,你頭先做咩大叫呀?」

她的父親憤怒地接口說:「呢本手冊唔係你嘅,係一個叫Terrence嘅男仔嚟嘅,你講呀,你係咪同呢個人拍拖?」

Vivian無奈的回答說:「唔係呀,Daddy,佢只係我同班同學,坐我隔離位,我同佢普通同學嚟o架咋。可能放學時大家唔小心交換咗本手冊喇。」

此時母親出言安慰說:「老公,冇嘢嘅,冇嘢嘅。你咁大聲嚇親阿囡呀。Vivian,你唔好再同呢個Terrence來往喇,佢成家都唔係好人嚟,就係佢哋搞到Daddy間公司冇咗,仲差D破產添呀。」(第九位:父母是世仇)

於是,星期一回到學校,孝順 的Vivian聽從了父母的說話,對Terrence的態度180度改變,由有說有笑變成惡言相向。Terrence不知就裡,最初也裝作無事,但被Vivian「寸」了幾次之後,他再也不忍讓了。自此,兩人成了一對冤家。(第十位:開頭是冤家)



待續......



告別校園時 - 李克勤
作曲:小栗昌彥
填詞:潘源良

一天一天的我在期待放學   一轉眼卻要告別校園
一張一張的快樂同學笑臉   粉筆似的消失不再遇見
終於終於不懂得老師所講   祇知道 此刻想多聽一遍
終於終於不需要再管積分   祇恐怕 更多的考試未見
這校園   這班房   這走廊   這禮堂
告別時   是我心的家鄉
到未來   那一方   人飄泊   路茫茫
仍然在這裡找到一點點光
OOh... 曾同遇上   今孤身走遠方   誰願這樣
OOh... 昂然踏上   雖分開走遠方   明晨能共創


24 則留言:

  1. 暫時未有嘢講,等看下一集。

    回覆刪除
    回覆
    1. 呢個故事冇咩特別,可能睇埋最後都冇咩講,嘻嘻。 :)

      刪除
  2. 世純,
    呢三個橋段已經可以拍電視劇, 一次過睇晒十個經典橋段...正!

    回覆刪除
    回覆
    1. 奕山,

      哈哈,都係全靠卡臣之前寫咗呢十個經典橋段出嚟咋。

      刪除
    2. 世純,
      所謂"橋唔怕舊,最緊要受",看得過癮就是了...
      一於等續集^.^!

      刪除
    3. 奕山,

      大家睇得過癮就得喇,電視劇用嚟送飯一流呀。

      刪除
  3. 嘩嘩! 我遲來了

    多謝咁賞面先
    哈哈你肯JAM, 我仲開心啦

    有5集咁多呀,正呀
    你用得好好,好有戲味,合情合理

    期待中...

    回覆刪除
    回覆
    1. 有心唔怕遲嘛,我知你呢排忙於準備10月初嘅《東宮西宮10之悲慘世界香港》,onlineline嘅時間都少咗。

      呢篇其實係倉底貨,寫咗幾個月O架喇。劇情簡單直接,大家都應該估到最後結局喇,啱晒C9睇呀。

      刪除
    2. 我忙又唔係好忙,中延啦,
      多謝你幫我賣廣告先

      劇情簡單唔重要
      睇你點運用先過癮

      刪除
    3. 我嘅運用方法,都係大路嘢咋,冇乜太出人意表嘅劇情喎,所以唔好太大期望呀。 :o

      刪除
    4. 好喇,多謝支持,星期五出第二集。 :)

      刪除
    5. 好吖,下集有咀咀戲呀。 :)

      刪除
    6. 咁要搵你做男主角喇,益吓你嘛。

      刪除
  4. 好,不過女主角唔要魯芬

    回覆刪除